Ağdamda polis əməliyyat keçirdi: narkotik satmaq istəyən iki qardaș saxlanıldı
Ağdam Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı növbəti tədbir zamanı əvvəllər məhkum olunmuşlar – Tahir və Mahir Məmmədov qardaşları saxlanılıblar.
AZƏRTAC-ın bölgə müxbiri xəbər verir ki, onlardan satış məqsədilə əldə etdikləri 1 kiloqramdan artıq marixuana aşkarlanaraq götürülüb.
Faktla bağlı cinayət işi başlanılıb, adıçəkilən şəxslər barəsində həbs qətimkan tədbiri seçilib. Araşdırmalar davam etdirilir.
