Britaniya İranın bir sıra rəsmilərinə qarşı sanksiya tətbiq edib
Böyük Britaniya iranlı rəsmilərə sanksiyalar tətbiq edib.
APA-nın Britaniya bürosu xəbər verir ki, bu barədə Britaniya Xarici İşlər Nazirliyindən verilən məlumatda deyilir.
Bildirilib ki, Böyük Britaniya bu gün İrandakı bəzi rəsmilərə, o cümlədən Baş prokurorun müavini Əhməd Fazelyana qarşı əlavə sanksiyalar tətbiq edir.
Sanksiya olunan şəxslər arasında İran İslam Respublikasının Quru Qoşunlarının Baş Komandanı Kiyumərs Heydəri, “Bəsic” Müqavimət Qüvvələri və bu qüvvələrin komandirinin müavini Salar Abnuş, İslam İnqilabı Keşikçiləri Korpusunun (SEPAH) Sarallah qərargahının komandirinin müavini Hüseyn Nejatın adı da var.
Sanksiyaya məruz qalan şəxslərin aktivləri dondurulacaq və Böyük Britaniyaya səyahət qadağası tətbiq ediləcək.
