Şəmkirdə mağazalardan oğurluq edən şəxs saxlanılıb
Şəmkir rayon Polis Şöbəsinin (RPŞ) əməkdaşları tərəfindən keçirilən
əməliyyat-axtarış tədbirləri nəticəsində özgənin əmlakını gizli yolla talamaqda
şübhəli bilinən Biləsuvar rayon sakini, əvvəllər məhkum olunmuş Mirpaşa
Rəhimov saxlanılıb.
DİN-in Mətbuat Xidmətinin Gəncə regional qrupundan verilən məlumata
görə, saxlanılan şəxsin ətrafında keçirilən istintaq-əməliyyat tədbirləri nəticəsində
məlum olub ki, o cari ilin oktyabr ayında rayonun Dəllər qəsəbəsində yerləşən 3
mağazadan ümumi dəyəri 7610 manat olan nağd pul, kompyuter, mobil telefon və
tütün məmulatlarını oğurlayıb.
Faktlarla bağlı cinayət işi başlanılıb, araşdırmalar davam etdirilir.