Bayden: Konqres səlahiyyət verərsə ABŞ-Meksika sərhədini bağlayacağam

ABŞ Prezidenti Co Bayden sərhəd təhlükəsizliyi qanun layihəsinin Konqresdə qəbul ediləcəyi təqdirdə ABŞ-Meksika sərhədini bağlamaqda qərarlı olduğunu bildirib.

Polise.az  xarici mediaya istinadla xəbər verir ki, Bayden Cənubi Karolinada seçki kampaniyası zamanı ölkənin əsas gündəm maddələrindən biri olan sərhəd təhlükəsizliyi məsələsindən danışıb.

“Bu qanun layihəsi Amerika üçün yaxşı olacaq. Konqres, pozulmuş immiqrasiya sistemimizi düzəltməyə kömək etmək üçün bunu qəbul etməlidir. Burada olmağı haqq edənlərə sürətli dəstək göstərmək lazımdır”, – deyə Bayden bildirib.

Qanun layihəsi həmçinin sərhəddə təhlükəsizliyi təmin etmək üçün 110 milyard dollarlıq təcili yardım paketinin təsdiqini tələb edir.

Qeyd edilir ki, dekabr ayında ABŞ-da tutulan qeyri-qanuni immiqrantlar arasında meksikalılar (56 min) çoxluq təşkil edib.

Polise.az