Şirvan sakini narkotiklərin qanunsuz dövriyyəsinə görə saxlanılıb

Şirvan Şəhər Polis Şöbəsinin əməkdaşları tərəfindən şəhər ərazisində narkotik vasitələrin qanunsuz dövriyyəsinin qarşısının alınması istiqamətində əməliyyat tədbirləri davam etdirilir.

Daxili İşlər Nazirliyi mətbuat xidmətinin Şirvan regional qrupundan  Polise.az-ın bölgə müxbirinə verilən məlumata görə, qeyd edilən cinayət əməli ilə məşğul olmaqda şübhəli bilinən şəhər sakini, əvvəllər də narkotiklərə görə məhkum olunmuş Əbülfət Nəcəfov saxlanılıb. Onun yaşadığı ünvana keçirilən baxış zamanı çəkisi yarım kiloqrama yaxın olan marixuana aşkar edilərək götürülüb.

Faktla bağlı Şirvan ŞPŞ-nin İstintaq Bölməsində cinayət işi başlanılıb, saxlanılan şəxs barəsində şəhər məhkəməsinin qərarı ilə həbs qətimkan tədbiri seçilib.

Bundan əlavə, şöbə əməkdaşları tərəfindən qanunsuz saxlanılan odlu silahların könüllü olaraq təhvil verilməsi istiqamətində aparılan profilaktiki tədbirlər nəticəsində bir nəfər şəhər sakini şəhər ərazisindən tapdığı 1 avtomatı, 1 darağı və 30 patronu könüllü olaraq polis əməkdaşlarına təhvil verib.

Polise.az