Ceyhun Bayramov: Sülh prosesi barədə Azərbaycan mövqeyi Hindistana çatdırılıb

Azərbaycan xarici işlər naziri Ceyhun Bayramov hindistanlı həmkarı Subramanyam Caişankarı Azərbaycan-Ermənistan münasibətlərinin normallaşması prosesi barədə məlumatlandırıb.

Polise.az xəbər verir ki, bunu Ceyhun Bayramov Bakıda Subramanyam Caişankar ilə keçirdiyi birgə mətbuat konfransında bildirib.

C.Bayramov qeyd edib ki, Azərbaycan tərəfinin mövqeyi Hindistana çatdırılıb.

“Cənubi Qafqazda baş verən proseslər, sülh gündəliyi, növbəti atılması tələb olunacaq addımlar barəsində fikir mübadiləsi apardıq”, – deyə nazir vurğulayıb.

Polise.az