“Taliban” paytaxta irəliləyir: ABŞ diplomatlarını və vətəndaşlarını təxliyəyə hazırlaşır
Əfqanıstanda vəziyyət “Taliban”ın irəliləməsi fonunda getdikcə pisləşir, tezliklə yaraqlılar paytaxt Kabili ələ keçirə bilər.
Bu barədə “The Washington Post” qəzeti Pentaqondakı mənbələrə istinadən məlumat yayıb.
Həmin mənbələr bildirib ki, Birləşmiş Ştatlar tezliklə Kabildən öz diplomatlarını və digər vətəndaşlarını çıxarmalı olacaq. Əfqanıstan paytaxtının 30-90 gün ərzində taliblər tərəfindən ələ keçirilə biləcəyi qeyd olunur.
