İsfəndiyar Vahabzadənin Rusiyaya girişinə 50 illik qadağa qoyuldu

Rusiya Federasiyasının Daxili İşlər Nazirliyi ruslar haqqında fikirdən sonra Azərbaycanın Belarus, Moldova və Pakistandakı sabiq səfiri İsfəndiyar Vahabzadəyə bu ölkənin ərazisinə 50 illik müddətinə girişinə qadağa qoyulması barədə qərar qəbul edib. Bu barədə TASS agentliyinə Rusiyanın Daxili İşlər Nazirliyinin mətbuat mərkəzindən bildirilib.

“Bu gün Qazaxıstan Respublikasının vətəndaşı Kuat Əhmədova və Azərbaycan Respublikasının vətəndaşı İsfəndiyar Vahabzadəyə internet şəbəkəsində millətlərarası ədavəti qızışdıran fikirlər səsləndirdiklərinə görə Rusiya Federasiyasına 50 il müddətinə girişinə icazə verilməməsi haqqında qərarlar qəbul edilib”, – nazirliyin xəbərində deyilir.