Əfqanıstan prezidentinin xalqa müraciəti yayıldı

Əfqanıstan prezidenti Əşrəf Qaninin xalqa müraciəti yayılıb.

Videoyazı dövlət başçısının “Facebook” səhifəsindən yayımlanıb.

Qani bəyan edib ki, onu Əfqanıstanı tərk etməyə məcbur ediblər. O, Kabildə qanlı qarşıdurmanın səbəbkarı olmaq istəmədiyi üçün ölkədən gedib.

Prezident taliblərin paytaxta daxil olmayacaqlarına söz verdiklərini bildirib.

Dövlət başçısı həmçinin yaxın gələcəkdə ölkəsinə qayıdacağını da vəd edib.

Qeyd edək ki, prezident Əşrəf Qani avqustun 15-də “Taliban” üzvlərinin Kabilə daxil olmasından bir neçə saat əvvəl Əfqanıstanı tərk edib.