Ucarda polis əməkdaşları şəhid və qazi övladlarını yeni dərs ilinin başlanması münasibətilə təbrik etdilər

Ucar Rayon Polis Şöbəsinin əməkdaşları yeni dərs ilinin başlanması ilə əlaqədar işğal altında olan torpaqlarımızın azadlığı uğrunda aparılan Vətən müharibəsində qəhrəmancasına şəhid olan, eləcə də sağlamlıqlarını itirən qazilərin məktəbli övladlarını ziyarət ediblər.

Beş ailənin qonağı olan polis əməkdaşları məktəbliləri təbrik edib, təhsillərində uğurlar arzulayıblar. Azyaşlılara məktəbli çantası və dərs ləvazimatları hədiyyə edən polislər, onlarla xatirə şəkilləri çəkdiriblər.

Şəhid və qazi ailələri onlara göstərilən diqqət və qayğıya görə DİN rəhbərliyinə və Ucar RPŞ-nin kollektivinə təşəkkürlərini bildiriblər.