Baqdasaryanı Sibirə sürgün etmək lazım idi – Jirinovski

Rusiya Liberal Demokrat Partiyasının sədri Vladimir Jirinovski Prezident Vladimir Putinlə videokonfrans formatında keçirilən görüşdə sürgün təcrübəsindən söz açması barədə danışıb.

Axar.az xəbər verir ki, Jirinovski sürgün təcrübəsinin təsirli cəza üsulu olduğunu hesab etdiyini vurğulayıb.

“Bunu etmək lazımdır. Sürgün ağır bir cəzadır. Unutmayın, Mara Baqdasaryan var idi. Yol qaydalarını pozdu və cərimələrə məhəl qoymadı. Budur, Moskvadan sürgün etmək təsirli bir cəza olardı. Başqa regiona get və heç olmasa tövlədə yaşa. Mən humanistləşdirməni nəzərdə tuturam”, – Jirinovski söyləyib.

Qeyd edək ki, Putinlə keçirilən görüşdə Jirinovski partiyasının Sibirin inkişafını dəstəklədiyini və ölkədəki müxtəlif cinayətlərə görə ucqar bölgələrə sürgün təcrübəsini yenidən tətbiq etməyi təklif edib.