İsmayıllı rayonunda narkotikin təsiri altında avtomobil idarə edən sürücü saxlanılıb

DİN-in Mətbuat Xidmətinin Şəki regional qrupundan polise.az-a verilən məlumata görə, İsmayıllı Rayon Polis Şöbəsinin Dövlət Yol Polisi Bölməsinin əməkdaşları tərəfindən Mulux kənd sakini Tural Cəfərovun idarə etdiyi “Niva” markalı  avtomobil nəzarət qaydasında saxlanılıb. Sürücünün hərəkətləri şübhə doğurduğundan tibbi müayinədən keçirilib və müayinənin də nəticəsinə əsasən onun narkotik vasitə olan marixuana qəbul etdiyi məlum olub.

Narkotikin təsiri altında  sükan arxasında əyləşib, avtomobil sürməklə digər hərəkət iştirakçıları üçün də təhlükə yaradan T.Cəfərov barəsində qanunvericiliyə uyğun tədbir görülüb.