Narkotik vasitələrin qanunsuz dövriyyəsində şübhəli bilinən şəxs saxlanılıb

Ağcabədi Rayon Polis Şöbəsinin əməkdaşları tərəfindən keçirilmiş tədbirlər nəticəsində narkotik vasitələrin qanunsuz dövriyyəsində şübhəli bilinən şəxs saxlanılıb.

DİN-in Mətbuat Xidmətinin Bərdə regional qrupundan polise.az-a verilən məlumata görə, daxil olmuş məlumat əsasında Ağcabədi RPŞ-nin əməkdaşlarının keçirdiyi əməliyyat-axtarış tədbirləri nəticəsində narkotik vasitələrin qanunsuz dövriyyəsində şübhəli bilinən rayon sakini Cahid Nəcəfov saxlanılıb. Belə ki, C.Nəcəfov taksi fəaliyyəti ilə məşğul olan digər bir rayon sakininə məxsus avtomobilə sərnişin qismində əyləşərək narkotik vasitələrin satışını həyata keçirib. Araşdırmalarla onun avtomobildə gizlətdiyi 275 qrama yaxın heroin, 31 qramdan artıq metamfetamin və elektron tərəzi aşkar edilərək götürülüb. 

Faktla bağlı Ağcabədi RPŞ-də Cinayət Məcəlləsinin 234.4.3-cü maddəsi ilə cinayət işi başlanılıb, adıçəkilən şəxs barəsində məhkəmənin qərarı ilə həbs qətimkan tədbiri seçilib.