Avtomobil qaçıran şəxslər müəyyən edilərək saxlanılıblar
Şirvan ŞPŞ-yə mayın 7-də saat 6 radələrində şəhər sakini M.Mustafayevə məxsus “VAZ-2107” markalı avtomobilin qaçırılması barədə məlumat daxil olomuşdur. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Sabirabad rayon sakini A.Cahangirov avtomobillə birə saxlanılmışdır.
Qax RPŞ-yə mayın 7-də şəhər ərazisindən E.Ağayevə məxsus “VAZ-21011” markalı avtomobilin qaçırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Qax şəhər sakini, əvvəllər məhkum olunmuş Təbriz İsmayılzadə şəhər ərazisində avtomobillə birgə saxlanılmışdır.
Balakən RPŞ-yə mayın 7-də şəhər ərazisindən Şəki rayon sakini S.Abdullayevə məxsus “VAZ-21074” markalı avtomobilin qaçırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində avtomobil həmin gün şəhər ərazisində əzilmiş vəziyyətdə tapılmışdır. Nəqliyyat vasitəsini qaçırmaqda şübhəli bilinən Balakən şəhər sakini Tehran Həsənov müəyyən edilərək saxlanılmışdır.
Hər üç faktla bağlı araşdırma aparllır.
