Azərbaycan Ordusunun Kəlbəcər istiqamətindəki mövqeləri atəşə tutulub
![](/wp-content/uploads/2024/07/458e60dc-5903-3da9-929d-72c58b0fc1aa_850-780x470.jpg)
Ermənistan silahlı qüvvələrinin bölmələri Azərbaycan Ordusunun Kəlbəcər rayonunun İstisu yaşayış məntəqəsi istiqamətində yerləşən mövqelərini iriçaplı silahlardan atəşə tutub.
Bu barədə Polise.az-a Müdafiə Nazirliyindən bildirilib.
“İyulun 20-si saat 22:10 radələrində Ermənistan silahlı qüvvələrinin bölmələri Basarkeçər rayonunun İstisu yaşayış məntəqəsi istiqamətində yerləşən mövqelərindən Azərbaycan Ordusunun Kəlbəcər rayonunun İstisu yaşayış məntəqəsi istiqamətində yerləşən mövqelərini iriçaplı silahlardan atəşə tutub. Bölmələrimiz tərəfindən qeyd olunan istiqamətdə adekvat cavab tədbirləri görülüb”, – hərbi qurumun məlumatında diqqətə çatdırılıb.
Polise.az