Azərbaycanda dilənçiliyə cəlb olunan azyaşlıların sayı AÇIQLANDI

Küçə həyatına məruz qalan, o cümlədən dilənçilik edən və qeyri-qanuni qulluğa cəlb olunan 616 azyaşlı müəyyən edilərək onları hüquqazidd əməllərə təhrik etmiş  354 valideyn haqqında qanunauyğun tədbirlər görülüb.

Bu məlumat Milli Məclisin bu gün keçirilən plenar iclasında təqdim edilən İnsan alverinə qarşı mübarizə üzrə Milli Koordinatorun illik məlumatında öz əksini tapıb.

Məlumata görə, eyni zamanda icra hakimiyyətləri yanında fəaliyyət göstərən komissiyalara, qəyyumluq və himayədarlıq strukturlarına uşaqların sosial problemlərinin həlli məqsədilə 490 material göndərilib.