Azərbaycanın qaytardığı 6 hərbçi Ermənistanda həbs edildi
Azərbaycan tərəfindən Ermənistana qaytarılan altı hərbçi barəsində cinayət işi açılıb. Üçü zabit olmaqla, altı hərbçi həbs edilib.
Bu barədə “Pastinfo” qəzetinin sorğusuna cavab olaraq Ermənistan İstintaq Komitəsinin baş hərbi istintaq idarəsindən məlumat verilib.
Qəzet qeyd edir ki, hüquq-mühafizə strukturunun şərhinə əsasən, onların heç biri zərərçəkmiş kimi tanınmayıb.
