Azərbaycanlı avtoritetlər arasında atışma – Ölən var
Dünən Türkiyədə azərbaycanlı kriminal aləm üzvləri arasında atışma olub.
Atışma anı binalardan birindən həvəskar kamera ilə qeydə alınıb.
Atışma bir müddət öncə güllələnərək öldürülən Lotu Qulinin yaxın adamları ilə mərhum Rövşən Lənkəranskinin yaxınları kimi tanınan Naxçıvanlı Baba, “Xarkov Fuad” ləqəbli Fuad Hacızadə və digər bir kriminal aləm üzvü arasında gedib.
Nəticədə Naxçıvanlı Baba hadisə yerinə ölüb, Xarkov Fuad isə yaralanıb.
Kriminal aləmdə yayılan söhbətlərə görə, bu hücum mərhum Lotu Qulinin qohumu Maqa Rustavskinin bıçaqlanmasının qisası kimi edilib. Məlumata görə, bir müddət öncə Lənkəranskinin yaxınları Maqanı qarnından bıçaqlayaraq ağır xəsarət yetirmişdilər.
Qeyd edək ki, Naxçıvanlı Baba peşəkar cüdoçu olub və müxtəlif turnirlərdə yer tutub. Daha sonra isə kriminal aləmə qoşulub.
Bəzi türk mənbələri isə atışmanın çeçen və gürcü kriminal avtoritetləri arasında baş verdiyini yazır.
