Azərbaycanlıların ölümünə səbəb olan sürücü saxlanıldı – Gürcüstan DİN

Gürcüstanda Marneuli-Bolnisi yolunda iki azərbaycanlı yeniyetmənin ölümü ilə nəticələnən qəzanı törətmiş 21 yaşlı sürücü saxlanılıb.

Polise.az xəbər verir ki, bu barədə Gürcüstanın Daxili İşlər Nazirliyi məlumat yayıb.

İstintaqla müəyyən edilib ki, həmin şəxs idarə etdiyi avtomobildə 4 sərnişinlə yolda hərəkətdə olarkən yol-nəqliyyat hadisəsi baş verib. Nəticədə 2 yeniyetmə piyada ölüb, onlardan biri hadisə yerində, digəri isə tibb müəssisəsində dünyasını dəyişib.
Faktla bağlı Gürcüstanın Cinayət Məcəlləsinin 276-cı maddəsi (yol hərəkətinin təhlükəsizliyi və ya nəqliyyatın istismarı qaydalarının pozulması) üzrə istintaq aparılır.

Qeyd edək ki, qəza soydaşlarımızın yaşadığı Bolnisinin Naxiduri (Arıxlı) kəndi yaxınlığında baş verib. Hadisə nəticəsində həyatlarını itirən azərbaycanlı yeniyetmələrin həmin kəndin sakinləri olduğu bildirilir.

Polise.az