Bəşər Əsədin muzdluları Ermənistandan keçərək Ukraynaya Rusiya tərəfində döyüşməyə gedir
Suriya prezidenti Bəşər Əsədin muzdluları Rusiya tərəfində döyüşmək üçün Ukraynaya göndərilib.
Bu barədə “Haber Global” kəşfiyyat məlumatlarına istinadən xəbər verib.
Mənbə Bəşər Əsədin Rusiyaya göndərdiyi muzdluların Ukraynaya marşrutunu da açıqlayıb.
Bildirilir ki, Suriyanı tərk edən muzdlular Ermənistana aparılır və Erebuni aviabazasında toplanılır. Sonra bu əsgərlər Şimali Osetiyanın Mozdok şəhərinə, oradan da Rusiya heyəti ilə birlikdə Ukraynaya göndərilir.
Məlumatda vurğulanır ki, Rusiya bu muzdlularla Suriyada olduğu kimi Ukraynada da qeyri-sabitlik yaratmağı hədəfləyir.
