Bəşər Əsəd ölkəsini tərk edəndən sonra İLK DƏFƏ DANIŞDI

Suriyanın keçmiş prezidenti Bəşər Əsəd 8 dekabrın axşam saatlarına qədər ölkəni tərk etmədiyini və həmin günün erkən saatlarında hələ də Dəməşqdə olduğunu bildirib.

Musavat.com xəbər verir ki, bu barədə onun ofisinin sosial şəbəkə hesabında paylaşım edilib.

Əsəd vurğulayıb ki, Suriyada baş verən bütün hadisələr ərzində heç vaxt istefa vermək və ya ölkədən qaçmaq fikrində olmayıb. Onun sözlərinə görə, Suriya xalqının taleyini heç vaxt tərk etməyi düşünməyib.

Sabiq prezident bəyanatında paytaxtın silahlılar tərəfindən ələ keçirilməsi barədə Dəməşqdən çıxdıqdan sonra xəbər tutduğunu deyib. O, terrorçularun ələ keçirdiyi ölkədə prezident olaraq qalmağı mənasız hesab edib.

Polise.az