“BU, FRANSANIN ƏN YUMŞAQ YERİNDƏN VURMAQDIR…” – “Azərbaycanın reaksiyası ondan xəbər verir ki…”
![](/wp-content/uploads/2024/07/05ae4aaf-633f-488a-ba13-785f441a50ee.jpg)
Azərbaycan niyə anti-müstəmləkəçilik gündəmini dəstəkləyir?
Bakıda müstəqillik istəyən Fransanın müstəmləkələrini təmsil edən Beynəlxalq Azadlıq Cəbhəsi yaradılıb. Qeyd edək ki, anti-müstəmləkəçilik gündəliyi Fransa ilə Azərbaycan arasında qarşıdurma kontekstində institutsionallaşdırıldı.
Politoloq Fərhad Məmmədov bildirir ki, bu qarşıdurma şəxsən Paris və Makron tərəfindən başladılıb. Ona görə də Azərbaycan buna reaksiya verir və bu reaksiya birdəfəlik deyil, sistemli xarakter daşıyır.
Bu, Azərbaycana niyə lazımdır?!
Politoloq bu suala Azərbaycanda məşhur olan el misalını xatırtmaqla cavab verir: “Bu hərəkətə cavab verməsən, deyərlər ki, sözü yoxdur… Prinsipcə, Makronun azərbaycanlı jurnalistin sualına cavabı Azərbaycanın Fransa və Makron istiqamətində hərəkətlərinin düzgün və rasional olduğunu nümayiş etdirdi. Müstəmləkə institutlarının yaradılmasına sərf olunan resurslar azdır, lakin təsiri böyükdür.
Beynəlxalq aləmdə cavablar olmalıdır, əks halda başa düşməyəcəklər… Azərbaycanın reaksiyası ondan xəbər verir ki, Bakının cavab verəcəyini hamı bilir…”
Fərhad Məmmədov deyir ki, Fransa konteksti ilə yanaşı, yaranmaqda olan dünya düzənindəki vəziyyəti də nəzərdən qaçırmamalıyıq və bu cür qurumlar “Böyük Söhbət” dövründə çox faydalı olacaq: “Fransa və Makron şəxsən bizim regionda bütün konstruktiv təşəbbüslərin pozucusu kimi çıxış edir. Bu da Londonda Paşinyanın Azərbaycan Prezidenti ilə görüşdən qaçması kimi vəziyyətlərə gətirib çıxarır. Anti-müstəmləkəçilik gündəmi Fransanı ən yumşaq yerindən vuran addımdır”.
Polise.az