Daha 4 rayona prokuror təyin edildi
Prokurorluq orqanlarında yeni kadr təyinatları olub.
“Report”un xəbərinə görə, bununla bağlı Baş prokuror Kamran Əliyev müvafiq əmr imzalayıb.
Əmrə əsasən, Korrupsiyaya Qarşı Mübarizə Baş İdarəsinin Daxili təhlükəsizlik şöbəsinin rəisi Rəşid Mahmudov tutduğu vəzifədən azad olunaraq Suraxanı rayon prokuroru vəzifəsinə təyin edilib.
Baş prokurorun digər əmri ilə Qax rayon prokuroru Hidayət Nurəlibəyov tutduğu vəzifədən azad edilərək Nərimanov rayon prokuroru vəzifəsinə təyin olunub.
Bundan başqa Baş Prokurorluqda İstintaqa Nəzarət İdarəsinin rəisi Həsən Hənifəyev tutduğu vəzifədən azad edilərək Nəsimi rayon prokuroru təyin olunub. Bundan başqa, Namiq Muradov Quba rayon prokuroru vəzifəsinə təyin edilib.
Baş Prokurorluğun Mətbuat Xidmətindən “Report”a fakt təsdiqlənib.
