Əbu-Dabidə tarixi görüş: Kiyev–Moskva–Vaşinqton eyni zalda

Əbu-Dabidə Ukrayna, Rusiya və ABŞ nümayəndə heyətlərinin iştirakı ilə keçirilən üçtərəfli danışıqlardan ilk foto və video görüntülər yayılıb.

Polise.az Musavat.com -a istinadən xəbər verir ki, materiallar Birləşmiş Ərəb Əmirliklərinin rəsmi xəbər agentliyi WAM tərəfindən dərc olunub. Kadrlarda danışıqların yüksək səviyyədə və rəsmi formatda baş tutduğu görünür.

Məlumata görə, görüşdə BƏƏ prezidenti Məhəmməd bin Zayed Al Nahyan da iştirak edib. Ukrayna tərəfdən nümayəndə heyətinə Milli Təhlükəsizlik və Müdafiə Şurasının katibi Rustem Umerov, Rusiya tərəfdən isə Baş Kəşfiyyat İdarəsinin rəhbəri İqor Kostyukov başçılıq edir.