Ərdoğan: İsveç terrorla mübarizədə Türkiyəyə lazımi dəstək verməlidir
Türkiyə Prezidenti Rəcəb Tayyib Ərdoğanla İsveçin Baş naziri Ulf Kristersson arasında telefon danışığı olub.
Bu barədə Polise.az “Haber Global”a istinadən xəbər verir.
Ərdoğan danışıqlar zamanı İsveçin terrorla mübarizədə Türkiyəyə lazımi dəstəyi verməsinin vacib olduğunu bildirib.
Danışıqlar zamanı həmçinin bir çox məsələlər, xüsusən İsveçin NATO-ya üzvlüyünün təsdiqi ilə bağlı müzakirələr aparılıb.
Türkiyə lideri və İsveç hökumətinin başçısı eləcə də terrorla mübarizəni, iki ölkə arasındakı münasibətləri, regional, qlobal problemləri müzakirə ediblər.
Ərdoğan İsveçin NATO-ya üzvlüyündən sonra müttəfiqlik ruhuna uyğun olaraq üçtərəfli memorandumdan irəli gələn öhdəliklərini yerinə yetirəcəyinə inandığını bildirib.
Türkiyə Prezidenti iki ölkənin Təhlükəsizlik Əməkdaşlıq Mexanizmini işə salması lazım olduğunun vacib olduğunu da diqqətə çatdırıb.
Polise.az
