Gəncədə baş verən qəzada yaralı sayı üç nəfərə çatıb – FOTOLAR – YENİLƏNİB

10 Sentyabr 2026

Gəncədə baş verən qəzada yaralı sayı üç nəfərə çatıb.

Moderator.az xəbər verir ki, şəhərin 28 May küçəsində baş verən yol-nəqliyyat hadisəsi zamanı yaralı sayı üç nəfərə çatıb.

Hadisə zamanı 1997-ci il təvəllüdlü Ruzi Musatafayev, 1990 cı il təvəllüdlü Seymur Qurbanov və 1986 cı il təvəllüdlü Xəyal Məmmədov xəsarət alıb. Hər üç şəxs şəhərin müxtəlif xəstəxanalarına aparılıb. Yaralılardan bir nəfərin vəziyyəti daha ağırdır.

Məlumat üçün bildirək ki, qəza “Audi” markalı maşınla “VAZ2107” markalı avtomobilin toqquşması zamanı baş verib.

14:51

Gəncədə iki nəfərin xəsarət alması ilə nəticələnən yol-nəqliyyat hadisəsi baş verib.

Moderator.az xəbər verir ki, qəza şəhərin 28 May küçəsində qeydə alınıb.

Belə ki, “Audi” markalı avtomobil “VAZ 2107” markalı maşınla toqquşub. Yaralılar xəstəxanalardan birinə yerləşdirilib. Onların şəxsiyyəti dəqiqləşdirilir.

Faktla bağlı araşdırma başlanılıb.