Husilər Qırmızı dənizdəki bu strateji şəhəri SEPAH-ın idarəçiliyi ilə ələ keçirdi?..-KİV
Xəbər verildiyi kimi, dünən – sentyabırn 10-da husilər Yəmənin strateji Əl-Moxa şəhərini ələ keçirib. Bu mühüm hərbi irəliləyiş, xüsusən də son saatlrda əməliyyatın SEPAH-ın idarəçiliyi ilə həyata keçirilməsi haqda yayılan məlumatlar Qırmızı dəniz regionunda və qlobal təhlükəsizlik arxitekturasında gərginliyi pik həddə çatdırıb.
Moderator.az bu haqda beynəlxalq kəşfiyyat hesabatlarına, o cümlədən İran, Yaxın Şərq, İsrail və Qərb mənbələrinə istinadla xəbər verir.
SEPAH Moxanın tutulmasını idarə edibmi?..
“Reuters”in Qərb və regional kəşfiyyat mənbələrinin hesabatlarına əsasən yaydığı məlumata görə, Əl-Moxa əməliyyatının arxasında birbaşa İran İslam İnqilabı Keşikçiləri Korpusu (SEPAH) dayanır. Beynəlxalq mediaya sızan məlumatlar göstərir ki, SEPAH bu əməliyyatda sadəcə silah tədarükçüsü deyil, həm də baş planlaşdırıcı və birbaşa əməliyyat idarəçisi kimi çıxış edib…
Mənbələrin bu sualla bağlı gəldiyi əsas qənaətlər bunlardır:
Qərb kəşfiyyatı:
ABŞ və Avropa hərbi dairələrinin məlumatlarına görə, SEPAH-ın “Qüds” qüvvələri hücum taktikalarını hazırlayıb və əməliyyat zamanı husi döyüşçülərinə peyk kəşfiyyatı məlumatları ilə real vaxt rejimində koordinatlar ötürüb…
Yaxın Şərq və ərəb mənbələri:
Səudiyyə Ərəbistanının başçılıq etdiyi koalisiyaya yaxın analitiklər vurğulayır ki, SEPAH komandirləri dəniz əməliyyatlarını idarə etmək və husilərin raket-dron zərbələrini koordinasiya etmək üçün Yəməndə yerli qərargahlar qurublar…
İsrail mənbələri:
İsrail hərbi ekspertləri bəyan edir ki, əməliyyat SEPAH tərəfindən Babül-Məndəb boğazını kilidləmək və regionda İsrail ilə Qərbə qarşı yeni “dəniz blokadası cəbhəsi” açmaq məqsədilə birbaşa idarə olunub…
İranın reaksiyası: rəsmi təkzib, siyasi dəstək…
Rəsmi Tehran və İranın dövlət agentlikləri SEPAH-ın əməliyyatı idarə etməsi ilə bağlı iddiaları qətiyyətlə rədd edir. İran tərəfi bunu tamamilə “Yəmənin daxili müqavimət güclərinin” uğuru adlandırır. Buna baxmayaraq, SEPAH rəsmiləri öz bəyanatlarında husilərin bu strateji irəliləyişini açıq şəkildə təqdir edərək, bunun ABŞ və İsrailə qarşı böyük zərbə olduğunu vurğulayırlar.
Mütəxəssislərin rəyinə görə, Moxanın SEPAH-ın birbaşa koordinasiyası ilə ələ keçirilməsi Qırmızı dənizdəki naviqasiya böhranını daha regional müstəviyə daşıyacaq və beynəlxalq gəmiçilik üçün riskləri artıracaq.
S.Laçın
