İsraildən İrana XƏBƏRDARLIQ!

İsrail Ordusu, İrandan İsrailə yeni bir hücum baş verərsə, bu günə qədər istifadə olunmayan xüsusi imkanlardan istifadə edəcəyini və indiyədək hədəf alınmayan obyektlərə cavab zərbələri endirəcəyini açıqlayıb.

Musavat.com xəbər verir ki, bu bəyanatı İsrail Ordusunun Baş Qərargah rəisi Herzi Halevi, Ramon Hərbi Hava Qüvvələri bazasına səfəri zamanı verib.

Herzi Halevi bildirib ki, İsrail İranın hər hansı bir raket hücumu təşkil edəcəyi halda, onun imkanlarını və hədəflərini məhv etmək üçün əvvəlcədən planlanmış güclü cavab tədbirlərinə əl atacaq. Bu, İsrailin bölgədəki hərbi strategiyasını gücləndirdiyini və potensial təhlükələrə qarşı daha sərt tədbirlər görəcəyini göstərir.

Halevinin sözlərinə görə, İsrail Ordusu İranın hücum ehtimalını nəzərə alaraq, yeni cavab variantları üzərində işləməyə davam edir.

Polise.az