Kəlbəcərə müvafiq icazələri olmadan keçmək istəyən şəxslər saxlanılıblar
Kəlbəcər Rayon Polis Şöbəsinin (RPŞ) əməkdaşları tərəfindən keçirilən tədbirlərlə rayon ərazisinə müvafiq icazələri olmadan keçmək istəyən şəxslər saxlanılıblar.
DİN-in Mətbuat Xidmətinin regional qrupundan Polise.az -a verilən məlumata görə, stasionar postda Daşkəsən rayon sakinləri R. Məmmədov, R.Məmmədov və Gəncə şəhər sakini Z.Azadov yoxlama zamanı sənədləri təqdim etməkdən boyun qaçıraraq, polis əməkdaşlarının qanuni tələblərinə tabe olmayıblar.
Həmin şəxslər saxlanılaraq barələrində İnzibati Xətalar Məcəlləsinin müvafiq maddəsi ilə protokollar tərtib edilib.
Toplanmış material qərar verilməsi üçün məhkəməyə göndərilib.
Polise.az
