Konstruksiya dəyişikliyi etdiyi avtomobilini “Tik-Tok”da paylaşan sürücü cərimələnib
Zaqatalada avtomobili konstruksiya dəyişikliyi edərək idarə edən və görüntülərini “Tik-Tok”da paylaşan sürücü müəyyən olunub.
DİN-in Mətbuat Xidmətinin Şəki regional qrupundan polise.az-a verilən məlumata görə, polis şöbəsinin dövlət yol polis bölməsinin əməkdaşları tərəfindən keçirilən tədbirlərlə həmin sürücü N.Qaziyev idarə etdiyi “VAZ-2101” markalı nəqliyyat vasitəsi ilə şəhər ərazisində hərəkətdə olarkən saxlanılıb. Yoxlama zamanı onun sürücülük hüququ olmadan avtomobil idarə etdiyi də aşkarlanıb.
N.Qaziyevlə izahedici söhbətlər aparılıb və barəsində İnzibati Xətalar Məcəlləsinin bir neçə maddəsi ilə protokol tərtib olunaraq cərimələnib.
