Məzahir Pənahov yola salınır

Milli Məclisin payız sessiyasında Mərkəzi Seçki Komissiyasının (MSK) tərkibi yenidən formalaşdırılacaq. 

MSK-nın hazırkı tərkibinin müddəti payızda başa çatır. Məlumat üçün deyək ki, MSK-nın tərkibi 18 üzvdən ibarətdir. Qurumun bütün üzvləri Milli Məclis tərəfindən seçilir.

Seçki Məcəlləsinə əsasən, Komissiyanın 6 üzvü Milli Məclisdə çoxluq təşkil edən siyasi partiyanı, 6 üzvü bitərəf deputatları, 6 üzvü isə parlamentdə azlıq təşkil edən siyasi partiyaları təmsil edir.

Məlumata görə, bu dəfə MSK-nın sədri Məzahir Pənahov da əvəzlənə bilər. O, artıq 20 ildir ki, quruma sədrlik edir. 

Böyük Quruluş Partiyasının sədri, deputat Fazil Mustafa da Yenisabah.az-a bildirib ki, hazırkı tərkibin müddəti payızda başa çatır və Milli Məclisin payız sessiyasında bu məsələyə baxıla bilər.