Makron “təhlükəsizlik səbəbi” ilə Ukraynaya səfərini təxirə salıb

Fransa prezidenti Emmanuel Makron fevralın 13-14-də baş tutmalı olan Ukraynaya səfərini təxirə salıb.

Polise.az xəbər verir ki, bu barədə Yelisey sarayındakı mənbəyə istinadən “Challenges” qəzeti məlumat yayıb.

Belə ki, Fransa liderinin administrasiyası səfərin təxirə salınmasını “təhlükəsizlik səbəbi” ilə izah edir.

Qeyd olunub ki, səfərin ləğvi “ukraynalı diplomatlar arasında suallar yaradıb” və onlar həftəlik qəzetin yazdığı kimi “bu qərardan məəttəl qalıblar”.

Fransa Sahibkarlar Hərəkatının nümayəndə heyəti də Kiyevə səfərini ləğv edib.