Müstəqillik Günü ilə bağlı böyük ƏFV GÖZLƏNİLİR
Azərbaycanda 28 may – Müstəqillik Günü ilə bağlı Prezident İlham Əliyev tərəfindən əfv sərəncamının imzalanması gözlənilir.
Bu barədə Musavat.com-a mötəbər mənbədən məlumat daxil olub.
Məlumat üçün bildirək ki, Əfv Komissiyası da ötən aylar ərzində ard-arda iclaslar keçirib.
Komissiyadan verilən məlumata görə, son 3 ay ərzində komissiyanın üzvlərinin, katibliyinin iştirakı ilə bütövlükdə 7 iclas baş tutub.
Komissiya 800-ə qədər müraciətə baxıb.
Onu da bildirək ki, humanizm prinsiplərini rəhbər tutan Azərbaycan Prezidenti bu kimi əhəmiyyətli günlərdə əksər hallarda əfv sərəncamı imzalayıb.
Musavat.com
