NATO-nun müdafiə planları aktivləşdirilib
NATO Hərbi Komitəsinin bazar ertəsi Brüsseldə fövqəladə iclasdan sonra yaydığı bəyanatda bildirilib ki, kollektiv müdafiə kontekstində ilk dəfə olaraq alyans cavab qüvvələrinin elementlərini yerləşdirir.
“NATO-nun müdafiə planları aktivləşdirilib və nəticədə ilk dəfə olaraq kollektiv müdafiə kontekstində NATO Cavab Qüvvələrinin elementləri yerləşdirilib”, – deyə məlumatda bildirilib.
NATO Hərbi Komitəsinin sədri admiral Rob Bauerin qeyd etdiyi kimi, bu qərar operativ şəkildə qəbul edilib.
“Müdafiə qalxanımız güclüdür. Bütün müttəfiqlərimizi və Alyansımızı təcavüzdən qorumağa hazırdır”, – Bauer əlavə edib.
