Naxçıvanla əlaqəsinin təmini üçün Bakı-İğdır-Bakı reysi üzrə cədvəl hazırlandı

Mövcud vəziyyət nəzərə alınaraq, Azərbaycan vətəndaşlarının Bakı ilə Naxçıvan arasında alternativ nəqliyyat əlaqəsindən istifadə edə bilmələri üçün AZAL-ın Bakı-İğdır-Bakı marşrutu üzrə növbəti uçuş cədvəli hazırlanıb.
Polise.az xəbər verir ki, bu barədə “Azərbaycan Hava Yolları” QSC-nin Mətbuat xidməti məlumat yayıb.
Cədvələ əsasən 6 mart 2026-cı il tarixinə planlaşdırılan reyslər aşağıdakı kimidir:
| Reys | Bakıdan qalxma | İğdıra enmə | Avtobusun İğdırdan yola düşməsi | Avtobusun Naxçıvandan yola düşməsi | İğdırdan qalxma | Bakıya enmə |
| J2 2251 / 2252 | 16:30 | 17:30 | 18:30 | 14:00 | 18:30 | 21:30 |
| J2 2253 / 2254 | 17:30 | 18:30 | 19:30 | 15:00 | 19:30 | 22:30 |
| J2 2255 / 2256 | 18:30 | 19:30 | 20:30 | 16:00 | 20:30 | 23:30 |
| J2 2257 / 2258 | 19:30 | 20:30 | 21:30 | 17:00 | 21:30 | 00:30 (+1 gün) |
Uçuşa gələrkən aşağıda qeyd olunan vacib məqamlar nəzərə alınmalıdır:
sərnişinlər uçuş vaxtından ən azı 1 saat yarım öncə hava limanına yaxınlaşmalı;
üzərlərində xarici pasport və ya yeni nəsil şəxsiyyət vəsiqələrini götürməlidirlər.
Sərnişinlərlə uçuş cədvəlində hər hansı bir dəyişiklik baş verdiyi təqdirdə ətraflı məlumat paylaşılacaq.
Polise.az



