Oğuzda gecə saatlarında işləyən kafenin sahibi cərimələnib
Oğuz Rayon Polis Şöbəsinin əməkdaşları tərəfindən keçirilən tədbirlər nəticəsində şəhər ərazisində yerləşən kafenin karantin qaydalarına zidd olaraq gecə saatlarında fəaliyyət göstərdiyi aşkarlanıb.
DİN-in Mətbuat Xidmətinin Şəki regional qrupundan polise.az-a verilən məlumata görə, gecə 00:00-dan sonra müştərilərə xidmət göstərən obyektin sahibi Abdulkərim Musayev və orada olan 5 müştəri barəsində İnzibati Xətalar Məcəlləsinin müvafiq maddəsi ilə protokol tərtib olunub.
