Partizanlar Rusiya ordusunun mühüm REM kompleksini məhv etdi…-VİDEO

Xerson vilayətinin işğal olunmuş hissəsində partizanlar Rusiyanın elektron mübarizə (REM) kompleksini yandırıblar.

Moderator.az  “UNİAN”-a istinadla xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsi (BKİ) məlumat yayıb.

Qeyd olunur ki, martın 29-na keçən gecə Xerson vilayətində müqavimət hərəkatı üzərində elektron döyüş sistemi quraşdırılmış Rusiya ordusuna məxsus yük maşınını məhv edib.

Kəşfiyyat məlumatlarına görə, “Lorandit” elektron müharibə sistemi məhv edilib.

“İşğalçılar “Lorandit”dən radio-rabitələri boğmaq və elektron kəşfiyyat aparmaq üçün istifadə edirlər. Belə kompleksin itirilməsi imkanların əhəmiyyətli dərəcədə zəifləməsidir”, – kəşfiyyatçılar bildirib.

BKİ-nin yaydığı videoda naməlum şəxslərin qiymətli qurğuya doğru necə yol aldıqları və hansısa qarışıq və alışqandan istifadə edərək qurğunu necə yandırdıqları görünür.