Putin Kim Çen Ina Rusiya istehsalı olan avtomobil bağışlayıb

Rusiya Prezidenti Vladimir Putin Şimali Koreya lideri Kim Çen Ina yerli istehsal olan avtomobil hədiyyə edib.

Polise.az  xəbər verir ki, bu barədə Koreyanın Mərkəzi Teleqraf Agentliyi məlumat yayıb.

Fevralın 18-də hədiyyəni qəbul edən Kim Çen Inın bacısı Kim Yo Çjon hədiyyənin “iki ölkə liderləri arasında yaranan xüsusi dostluq əlaqələrinin bariz sübutu kimi” səciyyələndirib və Vladimir Putinə minnətdarlığını bildirib.

Hədiyyə edilən avtomobilin modeli barədə məlumat verilmir. Rusiya lideri 2023-cü ilin sentyabrında Kim Çen Inla görüşü zamanı “Vostoçnı” kosmodromuna özünün “Aurus” markalı avtomobili ilə gəlmişdi. Kim Çen In o vaxt həmin avtomobilin həm xarici, həm də daxili görünüşü ilə maraqlanmışdı.

Qeyd edək ki, Kim Çen In səfərlərə adətən “Maybach” limuzini ilə çıxır.

Polise.az