Putindən generallara qadağan: Bundan sonra…
Rusiya ordusunun Astraxan (Həştərxan) papaqlarından imtina etməsinin səbəbi bəlli olub.
Bu barədəRusiyanın məşhur “Modnıy Priqovor” televiziya şousunun aparıcısı, moda tarixçisi Aleksandr Vasiliyev söhbət açıb.
O, Müdafiə Nazirliyinin və Prezident Vladimir Putinin ordu ilə bağlı verdiyi bu qərarını izah edib. Aparıcının sözlərinə görə, buna səbəb ekoloji, eyni zamanda, heyvanlara qarşı insani münasibətin təzahürüdür: “Kiçik quzulara qayğı göstərirlər. Onların öldürülməmələrini və dərilərindən papaq düzəltmələrini istəmirlər. Əgər biz Astraxan papağa qarşıyıqsa, deməli onun əti və dərisinin istifadəsinin də əleyhinəyik. Bəlkə də ölkəmizdə məcburi veqanizm tətbiq ediləcək”.
Vasiliyev buna görə hamını restoranlarda quzu ətindən hazırlanmış yeməklərdən də imtina etməyə çağırıb.
Qeyd edək ki, Rusiya Prezidenti Vladimir Putin Müdafiə Nazirliyinin təklifi ilə ordu generallarına Astraxan papaqlarının geyilməsini qadağan edib. Papaqların xəz şlyapa ilə əvəz ediləcəyi qeyd olunur.
