“Qərb Rusiya ilə birbaşa müharibəyə hazırlaşır” – ekspert

NATO ölkələri Rusiyadan qorxurlar, ona görə də həqiqətən də silahlı münaqişəyə hazırlaşmağa başlayıblar.

Musavat.com xəbər verir ki, bu barədə politoloq və jurnalist Yuri Svetov Almaniyanın Rusiya Federasiyası ilə beş ildən sonra müharibə edəcəyi barədə bəyanatını şərh edərkən danışıb.

Yada salaq ki, bu fikri Hamburqda Bundesverin regional komandanlığının rəhbəri Maykl Giess səsləndirib. Onun fikrincə, Almaniya Rusiya ilə 5 ildən sonra başlaya biləcək birbaşa hərbi münaqişəyə hazırlaşmalıdır. Svetov hesab edir ki, bu cür bəyanatlarla büdcənin qəbuluna hazırlıq ərəfəsində maliyyələşməni artırmağa çalışır. Politoloq hesab edir ki, Qərb ölkələrinin bütün nazirləri bunu Rusiya və Çindən gələn xəyali təhdidlərlə əlavə vəsaitə ehtiyacı əsaslandırmağa çalışırlar.

Bu taktika ABŞ-ın hərbi büdcəsini 800 milyard dollardan çox şişirdib. Svetovun fikrincə, Ukraynada keçirilən xüsusi əməliyyat fonunda Qərb ölkələri Rusiyanın NATO-nun öz sərhədlərinə yaxınlaşmasına dözməyəcəyindən və bu təhdidlərə cavab verməyə başlayacağından ehtiyatlanır. “Onlar həmçinin bütün Avropa ərazilərini alyansa birləşdirməyə və Asiya-Sakit okean regionuna nəzarət etməyə çalışırlar”,- ekspert əminliyini ifadə edib.

“Onlar buna hazırlaşırlar. Onlar qəti şəkildə əmindirlər ki, bunu etmək lazımdır. Ona görə də bu, populizm deyil, bu, döyüş hazırlığıdır”, – Svetov yekunlaşdırıb.

Polise.az