Qazaxıstandakı hadisələr Özbəkistanda da gözlənilir? – Şərh
Özbəkistandan olan ekspert-politoloq, fəlsəfə elmləri namizədi Rəvşən Nəzərov Qazaxıstan hadisələrinin ölkəsində təkrarlana bilib-bilməyəcəyi məsələsinə aydınlıq gətirib.
Bu barədə o, Oxu.Az-a müsahibəsində deyib:
“Oxşar vəziyyətin (ən azı belə miqyasda) Özbəkistanda təkrarlanması mümkün deyil. Xarici “dostlar” Özbəkistanın gücünü dəfələrlə sınayıblar – 1999-cu və 2004-cü illərin terror aktları, 1999-cu və 2000-ci illərdə silahlı dəstələrin basqınları və nəhayət, 2005-ci ilin mayında Fərqanə vadisində “rəngli inqilab” təşkil etmək üçün real cəhd – Özbəkistan bunların hamısından keçib.
Özbəkistanın silahlı qüvvələri və hüquq-mühafizə orqanları təxribatçıların vəziyyətin sabitliyi pozmaq cəhdlərini dəf edəcək qədər güclü və bacarıqlıdır”.
