Quba-Xaçmaz yolunda baş verən qəzada bir nəfər ölüb
Yanvarın 12-si axşam saatlarında Qubada bir nəfərin ölümü ilə nəticələnən ağır yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, hadisə Quba-Xaçmaz yolunun Quba rayonunun Zərdabi qəsəbəsi ərazisindən keçən hissəsində qeydə alınıb.
Qəza zamanı “VAZ 2107” markalı avtomobil yoldan çıxaraq ağaca çırpılıb. Zərbənin təsirindən avtomobilin sürücüsü Quba rayonu Bağbanlı kənd sakini Rüstəmov Taleh Malik oğlu hadisə yerində ölüb.
Faktla bağlı araşdırma aparılır.
Polise.az
