Rusiya Bosniyanı “Ukrayna ssenarisi”ni təkrarlamaqla hədələyir

Bosniya və Herseqovina 2010-cu ildə NATO tərəfindən Üzvlük Fəaliyyət Planına qoşulmaq üçün dəvət olunub.

Rusiyanın Bosniya və Herseqovinadakı səfiri İqor Kalabuxov NATO-ya üzv olmaq niyyətinə görə ölkəni Moskvanın cavab vermək hüququ ilə hədələyib.

“Biz Ukraynanın timsalında nə gözlədiyimizi göstərdik. Təhlükə olacağı halda reaksiya verəcəyik”, – Kalabuxov Bosniya telekanalının efirində deyib.

Rusiya səfirinin sözlərinə görə, hazırda Rusiyanın Bosniya və Herseqovina ilə bağlı fəaliyyət planı yoxdur və Moskva buna strateji və geosiyasi vəziyyəti təhlil etməklə reaksiya verəcək.

Bosniya və Herseqovina Rəyasət Heyətinin sədri Jelko Komşiç Rusiyanın Bosniya və Herseqovinadakı səfirinin bəyanatını qətiyyətlə pisləyib və bunun qəbuledilməz olduğunu deyib.

Komşiç qeyd edib ki, Bosniya və Herseqovinanın NATO-ya üzv olmaq qərarı yalnız Bosniya və Herseqovina institutlarının qərarı ola bilər və bu, Bosniya və Herseqovinaya hücum üçün bəhanə deyil.

Bosniya və Herseqovina 2010-cu ildə NATO tərəfindən Üzvlük Fəaliyyət Planına (MAP) qoşulmaq üçün dəvət olunub. Serbiya hissəsi olan Serb Respublikası isə 2017-ci ildə hərbi neytrallığını elan edib.

Mənbə: UNİAN