Rusiya Ermənistandan Ukraynaya qoşun yeridir
Rusiya Federasiyası Ermənistandakı Rusiya bazasından ayrı-ayrı bölmələri Ukraynaya köçürməyi planlaşdırır. Bu barədə Ukrayna Silahlı Qüvvələri Baş Qərargahının Facebook sosial şəbəkəsində saat 18:00-a olan operativ məlumatında deyilir.
“Döyüş əməliyyatlarında iştirak edən ayrı-ayrı bölmələrin döyüş qabiliyyətini bərpa etmək cəhdlərini davam etdirən Rusiya Federasiyasının hərbi rəhbərliyi Ermənistandakı 102-ci Rusiya hərbi bazasından bəzi bölmələrin Ukrayna ərazisinə köçürülməsini planlaşdırır”, – məlumatda deyilir.
Qeyd olunur ki, Rusiya qoşunlarının mənəvi-psixoloji durumu çox aşağı səviyyədədir.
