Sabunçu dəmir yolu stansiyasında üzərində silah və narkotik maddə olan şəxs saxlanılıb

Daxili İşlər Nazirliyinin (DİN) Dəmir yolu Nəqliyyatında Polis İdarəsi Sabunçu Xətt Polis Şöbəsinin əməkdaşlarının daxil olmuş əməliyyat məlumatı əsasında həyata keçirdikləri növbəti tədbir nəticəsində Sabunçu dəmir yolu vağzalının ərazisində 2002-ci il təvəllüdlü Vüsal Nəcəfəliyev saxlanılıb.

DİN-in mətbuat xidmətindən  Polise.az -a verilən məlumata görə, onun əlindəki çantaya baxış keçirilərkən 1 kiloqram 125 qram narkotik vasitə marixuana, 1 ədəd “Browling” markalı tapança və 40 patron aşkarlanaraq götürülüb.

V.Nəcəfəliyev odlu silahı və narkotik vasitəni satış məqsədi ilə əldə etdiyini bildirib.

Faktla bağlı onun barəsində cinayət işi başlanılıb, araşdırmalar davam etdirilir.

Polise.az