Samux sakinindən narkotik vasitə və silah aşkarlanıb

Samux Rayon Polis Şöbəsinin əməkdaşlarının həyata keçirdikləri tədbirlər nəticəsində narkotiklərin qanunsuz dövriyyəsini təşkil edən və odlu silah-sursat saxlayan Ş.İsayev saxlanılıb.

Daxili İşlər Nazirliyinin mətbuat xidmətinin Gəncə regional qrupundan AZƏRTAC-ın bölgə müxbirinə verilən məlumata görə, Ş.İsayevdən narkotik vasitə marixuana aşkar olunub. Davam etdirilən tədbirlərlə saxlanılan şəxsin yaşadığı ünvandan qanunsuz olaraq əldə edərək saxladığı “Kalaşnikov” markalı avtomat, həmin silaha aid 1 ədəd daraq və 4 ədəd patron aşkarlanaraq götürülüb.

Faktla bağlı Samux Rayon Polis Şöbəsində araşdırma aparılır.

Polise.az