Sumqayıtdakı insidentlə bağlı cinayət işi başlandı
![](/wp-content/uploads/2020/08/1-2-780x470.jpg)
Sumqayıt şəhərində bir qrup şəxsin bir nəfərə qarşı zor tətbiq etməsi və bunu lentə alması barədə sosial şəbəkələrdə yayılan videogörüntülər dərhal Daxili İşlər Nazirliyinin rəhbərliyi tərəfindən nəzarətə götürülüb.
Daxili İşlər Nazirliyinin (DİN) Mətbuat Xidmətindən “Report”a verilən məlumata görə, videogörüntülərdə zorakılığa məruz qalanın şəxsiyyəti qısa zamanda müəyyən edilib və onun izahatı alınıb.
Abşeron rayon sakini olan həmin şəxs hadisənin Sumqayıt şəhəri Hacı Zeynalabdin Tağıyev qəsəbəsində baş verdiyini bildirib.
Baş Mütəşəkkil Cinayətkarlıqla Mübarizə İdarəsi və Sumqayıt Şəhər Polis İdarəsinin əməkdaşları tərəfindən həyata keçirilən təxirəsalınmaz əməliyyat-axtarış tədbirləri nəticəsində qeyd edilən xuliqanlıq hərəkətlərini törətmiş Sumqayıt şəhər sakinləri Elməddin Babayev, Sərvər Quliyev, Tural Ağayev, Mirzə Mirzəyev, Xalid Abuzərov, Ağsu rayon sakini Vasif Osmanov və Qubadlı rayon sakini Sərvər İmanov saxlanılaraq istintaqa cəlb olunublar.
Faktla bağlı Sumqayıt Şəhər Polis İdarəsində Cinayət Məcəlləsinin 221.3 (xuliqanlıq) maddəsi ilə cinayət işi başlanılıb. Hadisədə iştirak etmiş digər şəxslərin də müəyyən edilərək tutulmaları üçün zəruri istintaq-əməliyyat tədbirləri davam etdirilir.
![](http://static.report.az/photo/4eb634cf-aaf4-3441-81ec-d69ffb5e2461.jpg)
![](http://static.report.az/photo/61ad0bb1-9a62-3952-af08-6b384af43660.jpg)
![](http://static.report.az/photo/f1512f9a-7360-3739-a19d-eb07501f0fdd.jpg)
![](http://static.report.az/photo/ac60a3c3-070e-32c8-852e-f54c675368b4.jpg)
![](http://static.report.az/photo/67c2ba7c-118e-38c6-8447-490932a5e0a0.jpg)
![](http://static.report.az/photo/110a5852-0c36-3d8c-9c84-7761c54d47c6.jpg)
![](http://static.report.az/photo/b1dc3452-ff63-3884-861a-4a262a3da293.jpg)
![](http://static.report.az/photo/ac8a1abb-6432-36d5-9c1c-d248ed6ad704.jpg)