Tərtərdə 5 kiloqram narkotik vasitə qanunsuz dövriyyədən çıxarılıb

Tərtər Rayon Polis Şöbəsinin əməkdaşları tərəfindən keçirilən tədbirlərlə narkotik vasitələrin qanunsuz dövriyyəsində şübhəli bilinən İlyas Əmirov saxlanılıb.

Bu barədə Daxili İşlər Nazirliyindən məlumat verilib.

Bildirilib ki, həmin şəxsdən 4 kiloqram tiryək və 1 kiloqram marixuana aşkarlanıb.

Faktla bağlı cinayət işi başlanılıb,məhkəmənin qərarı ilə İ.Əmirov barəsində həbs qətimkan tədbiri seçilib. Araşdırmalar davam etdirilir.