Təyyarə qəzasında həlak olanların xatirəsi İstanbulda anıldı – Foto
“Azərbaycan Hava Yolları”na (AZAL) məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması nəticəsində həlak olanların xatirəsi Türkiyənin İstanbul şəhərində yad edilib.
Teleqraf.com-un Türkiyə bürosu xəbər verir ki, bu məqsədlə “AZAL”ın İstanbuldakı baş ofisinin qarşısına əklil qoyulub, qara lentlər asılıb.
Anım mərasimində diaspora təmsilçiləri, Türkiyədə fəaliyyət göstərən şirkət rəsmiləri, ictimaiyyət nümayəndələri iştirak ediblər.
Qeyd edək ki, bu gün Azərbaycanın Türkiyədəki səfirliyində, o cümlədən İstanbuldakı Baş Konsulluğunda bayraqlar yarıya endirilib.
Polise.az
