Tovuzda evlərdən oğurluq edən şəxs saxlanılıb
Polis əməkdaşları tərəfindən keçirilən tədbirlər nəticəsində Tovuz rayonu ərazisində baş verən silsilə oğurluq hadisələrinin üstü açılıb.
AZƏRTAC-ın bölgə müxbirinin məlumatına görə, araşdırmalarla müəyyən edilib ki, müxtəlif vaxtlarda 7 yaşayış evindən, ümumilikdə, 5 min manatdan çox pul və qızıl-zinət əşyaları oğurlanıb.
Qeyd olunan əməlləri törətməkdə şübhəli bilinən əvvəllər məhkum olunmuş 48 yaşlı Rauf Məmmədov müəyyən edilərək saxlanılıb.
Araşdırmalar davam etdirilir.
Polise.az
